تحميل كتاب نظرية الفستق pdf

تحميل كتاب نظرية الفستق مع ملخص وشرح. رابط مباشر لتحميل أتمنى لك قراءة ممتعة.

كتاب نظرية الفستق للكاتب والصحفي السعودي فهد عامر الأحمدي. يتناول العديد من المواضيع تخص التفكير البشري وتطويره كما يحتوي على بعض النصائح المهمة في فهم الذات.

الأفكار المطروحة في كتاب نظرية الفستق

اول فكرة معنا بتتكلم عن الهدف. لان الانسان الناجح لازم يكون عنده خطة وغاية في حياته. فضياع الهدف هو المسئول الأول عن الفشل لكن مهم انك تعرف ان في فرق كبير بين وضع خطة عمل وبين وضع أمنيات ورغبات يشترك فيها الجميع. ويقول الكاتب الاحلام الكبيرة قد تنتهي بانجازات متوسطة ولكن الأحلام المتواضعة ستنتهي حتما بانجازات تافهة. ممكن نختصر هذه النظرية أين تذهب فلن تصل لأي مكان.

سر النجاح يكمن في وضع الاهداف الفكرة الثانية توضح اهمية معرفة الانسان لنفسه بشكل جيد. لازم الانسان قبل ما يهتم انه يتعرف على الآخرين يتعرف على نفسه الاول. ويفهمها. عشان تقدر تبعد اهتماماتك السنوية الغير مهمة من حياتك وتركز على الأهداف المهمة. وممكن نختصر الفكرة دي بان من اهم اسباب فشلنا في الحياة جهلنا بأنفسنا.

تالت فكرة العادة هي اهم اساس كل نجاح في حياة الانسان لان النجاح يتعلق بالاستمرارية. انت الوحيد القادر على تحديد نجاحك او فشلك. لو وضعت لنفسك عادات ايجابية حتى لو كانت بسيطة هتكون هي أساس نجاحك في المستقبل على العكس لو وضعت عادات سلبية واستمريت عليها. طبعا النتيجة معروفة. يقول الكاتب النجاح لا يتعلق بالمجهود وإنما بخلق عادة يومية بسيطة تستمر فالانجاز الناجح يتطلب خلق عادة يومية. ليس التفكير بالنتيجة النهائية.

في الفكرة الرابعة يهتم الكاتب بالتواصل الاجتماعي مع الآخرين. لان مهم جدا تعرف غيرك بيفكر ازاي فيقول الكاتب من لا يعرف طريقة تفكير الآخرين يملك الكثير من الأفكار الخاطئة عنهم. ويعتقد أنه الرجل الأكثر ذكاء في الكون. وكمان مهم تعرف امكانياتك المتاحة وتستغلها بشكل كويس حاول تستثمر في نفسك. لانها اكثر الإمكانيات المتاحة لك. هتلاقي بعد كده انك بتصل لنجاحات كانت بعيدة عنك. ما تخليش ابدا الزروف الغير متوقعة هي اللي تحدد حياتك ونجاحاتك.

الفكرة الخامسة اسمها عشرون قاعدة في المنزل. ينصح الكاتب بعدم تكرار الإرشادات. لأن تكرارها يفقدها قيمتها. و تكون مملة مع الوقت. وممكن تتنسي بسهولة. عشان كده حاول تختار أهم القواعد وتكتبها بوضوح وتعلقها في مكان مناسب. توصيل معلومة مفيدة سواء لابنائك او لاي شخص آخر يتعلق بالقدوة الحسنة. قبل التوجيه والإرشاد.

ويقول الكاتب انت الوحيد بين البشر الذي يتمنى والداك أن تتفوق عليهما. ولكن مشكلة الآباء اعتقادهم بأن ابنائهم دائما ما يحتاجون لإرشاد وتوجيه. ومشكلة الأبناء اعتقادهم أنهم لم يعودوا بحاجة لارشاد احد شكرا لاستماعكم.

كتاب نظرية الفستق pdf - كتاب سيغير طريقة تفكيرك

كتاب نظرية الفستق فهد عامر الأحمدي. كتاب مفيد جدا خصوصا بالنسبة للناس اللي مش متعودة على القراءة أو الناس اللي عايزة تتعود على القراءة كتاب نظرية الفستق هو كتاب عبارة عن مجموعة كبيرة جدا من المقالات التي في بعض الأحيان متصلة ببعضها وبعض الاحيان منفصلة عن بعضها تغطي تقريبا جميع جوانب الحياة.

اسم الكتاب نظرية الفستق هو جاي من عنوان لمقالة داخل الكتاب فكرة بتاعة المقالة دي بتتكلم عن ان اشياء بسيطة جدا ممكن نرتكبها أو حماقات بسيطة جدا ممكن نرتكبها تحولنا أو تدخلنا في سلسلة من الاحداث الكارثية اللي ممكن تكون في النهاية تؤدي لكارثة كبيرة جدا في حياتنا.

فاللي عايز يقوله زي ما القرارات الكبيرة اللي ممكن تاخدها في حياتك هتكون لها اثر كبير جدا على حياتك زي قرار الزواج بشخص معين زي قرار الدخول كلية معينة زي قرار الشغل في مجال معين القرارات دي قرارات مهمة جدا في حياتك وممكن تغير حياتك بالكلية تافهة جدا وصغيرة جدا في حياتك ممكن يكون لها نفس الأثر لو ارتبطت بسلسلة من الأحداث اللي تتبعها.

فهد عامر الأحمدي يضرب مسال لابنه في المقالة دي بيقول له لو انا بعتك تشتري فسدق. ومن هنا جاية فكرة نظرية الفستق لو انا بعتلك تشتري فسدق. وانت في الطريق في شاب ماشي جنبك بالعربية فقررت ان وانتم تتسابقون.

بعد ما تسابقت عملتم حادث تافه ما يستاهلش يعني. نزلتم انتم الاتنين من العربيات وبعدين اتخانقوا مع بعض ضربته في رأسه وقعت على الرصيف في اتخبط جامد فدخل في غيبوبة وانت اتقبض عليك. بعد كده توفى في الغيبوبة وانت ما زلت مقبوض عليك ومنتظر المحاكمة. وبعد أيام من المحاكمة اكتشفت ان هو كان لسه متجوز وعنده طفل رضيع بالتالي هيتم تعليق الحكم لحد ما الطفل ده يكبر. فانت بالتالي هتقضي عشرين سنة من حياتك جوة السجن لحد الطفل ده ما يكبر.

ويا اما يعفو عنك يا اما ينفز الحكم عليك. وبالتالي مسار حياتك كله اتغير ولو بصيت على البداية هتلاقي ان انت اصلا كنت رايح تشتري بعض الفستق لو بصيت على تسلسل الأحداث هتلاقي السلسلة دي هي اللي وصلتك للكارثة اللي انت فيها دلوقتي. كتاب نظرية الفستق ملء بالمقالات الجميلة جدا اللي فعلا هتغير فكرتك للاحسن.

والافضل من كل ده ان هو سهل القراءة جدا بسيط بالنسبة لأسلوب القارئ الجديد او اللي لسه مش متعود على القراءة. وبيدي لك مساحة ان انت مش لازم تقراه ككتلة واحدة لأن في كل مجموعة مقالات مرتبطة ببعض ولكن في معظم الوقت. المقالات منفصلة تماما عن بعض اعتقد ان انت ممكن تستفيد حاجات كتيرة جدا من الكتاب خصوصا ان هو بيحمل مجموعة أفكار عزيمة جدا ممكن تغير حياتك حرفيا.

وممكن فكرة من الافكار اللي انطرحت في المقالات دي وان كانت المقالات صغيرة نوعا ما بس انت ممكن تاخد الفكرة تدور على كتاب بيتكلم عن الفكرة دي. وتلاقي نفسك حابب ان انت تعرف اكتر عنها في فايدة الكتاب رغم أن المقالات صغيرة نوعا ما.

ولكنها بتدي لك الخلاصة في عدد أسطر صغير جدا فبالتالي هتستفيد منه اكيد هتستفيد جدا من على المستوى الشخصي أنا رشحت الكتاب لاكتر من حد. وفوجئت من ردة فعله ان هو كان مبسوط جدا من قراءة الكتاب خصوصا ان الناس اللي انا رشحت لهم الكتاب ما كانوش اصلا من الناس اللي بتقرا خالص.