كتاب التأثير المركب
السلام عليكم ان شاء الله بغيت نشارك معكم ثلاثة د الأفكار اللي استفدت منها
من كتاب التأثير المركب. ديال شحال من واحد كيسحاب الى بغينا نغير
حياتنا خصنا نغيرو مية وثمانين درجة هداك التغيير صعيب بزاف واهم حاجة صعيب
تلتزم بيه من خلال كتاب التأثير المركب.
غادي نعرفو علاش الى درنا حوايج صغار يوميا مع المدة كيعطيو نتائج كبار بلا
ما نحس.
الفكرة الأولى - فعوض ما تقلب على تغيير دخل اداة صغار حسن داوي كيقول بأن
التغيير صعيب بزاف وداكشي علاش بزاف ديال الناس كيستسلمو احسن حاجة تقدر دير
هي دخل عدد صغار لي مغاديش تبان لك نتيجتهم ديك الساعة ولكن مع المدة غادي
يبان لك تغيير كبير في حياتك مثلا شي واحد عمرو وبغا يبدأ يتريني في عوض ما
يمشي ويشري حوايج ديال الرياضة إلى اخره احسن حاجة يقدر يدير متلا هي قبل ما
ينعس يدير ضغط داكشي لي قد عليه ديال ويمشي ينعس، مع المدة غادي يزيد يتيق
فراسو وفي نفس الوقت غادي تعطي النتائج الكبار والكبار بزاف.
الفكرة التانية - أفعال صغار مع المدة كيعطيو نتائج كبار مثلا خدينا كرة
ديال الثلج ولحنها فوق الجبل ثلاث ما كتزاد ليا في المسافة كترات ما تزيد
تكبر نفس الحاجة بالنسبة لينا غير المسافة بالنسبة لينا هي
الوقت.
الفكرة الثالثة - العادات ديما كيجيبو معهم أخواتهم العادات كانوا مزيانين
ولا خايبين مع المدة كيجيبو ديما معاهم خواتهم. مثلا شي واحد مع المدة ولى كي
تريني يوميا شوية غادي يولي يفكر فعدد ديال الماكلة الصحية شي لي غادي يولي
يحاول ينعس بكري. وبشوية بشوية كيبقاو يزيدو ديما عادات لي ايجابية. وهاد شي
حتى في الحوايج السلبيين هادو هوما التلاتة ديال الافكار اللي استفدت منهم من
هذا الكتاب التأثير المركب.
ملخص كتاب التأثير المركب
واش حتى انت سمعتيهم كيقولو هدا راه زمان السرعة؟ خاص الواحد يواكب العصر
المعلوماتي يكون سريع فكل شي يحاول يخدم على رأسه وعلى مشاريع بسرعة باش
ميفوتش الركض. ايوا زيد حتى هادي على هادوك راها كذبة أخرى طلع عليها
النهار.
وخا خلينا من كذبهم وتضليلهم وأجي اليوم نهضرو على واحد السحر الى كنتي
مازال ما عرفتيه را فاتك بزاف. ويلا كنتي اول مرة كنسمع بيه عندنا هنا را ما
مشاش الحال. غير هو دير باش نتعاونو جميع على التغيير. قبل ما نبداو غادي
نسولك واحد السؤال بسيط جدا. الدولار كي تكون من مائة سنة وثلاثة د المليون
دولار كتساوي تقريبا ثلاثين مليون درهم. مبلغ خيالي. الى خيرتك ما بين تاخد
ثلاثة د المليون دولار وتمشي فحالك. أو نبقى نعطيك كل يوم واحد سنت لمدة واحد
وتلاتين يوم. لكن غن ضاعفو ليك كل يوم طيلة هاد المدة. وبما ان هذا عصر
السرعة ولات الأغلبية الساحقة زربانة فكل شي وباغية توصل لكلشي
بالزربة.
مبلغ خيالي ونجلس كنتسنا كل نهار تعطيني دوك السنتيمات. مع العلم ان شهر مدة
قصيرة جدا الأغلبية اليوم كتقلب على العمليات السريعة باش توصل للنتائج
بسرعة. على المشاريع السريعة باش توصل للغنى او الإستقرار المادي
بسرعة.
بمعنى ان الأغلبية ولات كتقلب على النتائج الفورية. أو ديك الكذبة لي هضرنا
عليها فلول ولات حقيقة وواقع فحين انك الا درستي فلسفة النجاح فكل شيء كتلقى
حوايج صغيرة. قرارات صغيرة خطوات صغيرة متكررة ومداومة بدون انقطاع. تؤدي
لنتائج خيالية ولكن على المدى البعيد. وهدا لي سماه الكاتب دارين هاردي تأثير
المركب أو التأثير التراكمي هاد التأثير المركب هو تكون عادات صغيرة بسيطة
مقدور عليها تكررها كل يوم اداوم عليها بدون انقطاع مهما كان وكن على يقين
انك غادي تشوف العجب.
وهنا غادي نرجعو للسؤال اللي طرحنا باش نحصلو رغم اننا عارفين ان الأغلبية
غادي تختار تلاتة د المليون دولار. وبما ان القضية هكداك غادي نشوفو شحال كان
ممكن ياخد هداك لي خدا تلاتة د المليون دولار لو كان صبر على سنة واحد كل يوم
مضاعف النهار لول غادي ياخد واحد والثاني غادي ياخد جوج سانت والثالث غادي
ياخد ربعة حتى نوصل النهار واحد وعشرين غادي نلقاو وصل لخمسه الاف ومئتين
وثلاثة وأربعين دولار مازال فرق شاسع بينو وبين لي خدا تلاتة د المليون
دولار.
لكن نزيدو نحسبو حتى نوصل لواحد وتلاتين يوم. اليوم الأخير لي غادي نلقاو
المبلغ وصل فيه لعشرة د المليون وسبعمائة وسبعة وثلاثين ألف دولار. تلاتة د
المرات داكشي لي خدا داك لي زرب المشاريع الكبرى فالحياة تولي وقفات على
أساسات ما كتزعزأش اساسات متينة قوية صعيب جدا باش تشق ولا تهرس كلها تبنات
بهاد الطريقة وخدمات بهاد التأثير وماليها جالسين كيكدبو علينا هدا زمان
السرعة هذا التأثير قديم واغلب النجاحات المبهرة لي كنضل و نسمعو بها ونشوفها
استعملاتو وتبنات عليه.
تا حد ما يقدر يتغير أربعة وعشرين ساعة ولى يبات فاشل ويصبح ناجح او كسول
ويصبح مجتهد او فقير ويخدم واحد المدة بسيطة ويصبح غني لأنك ما هو مجرب اللي
كيجي بالزربة كيمشي بالزربة لأنه حيوط واقفين بلا ساس حتى لهنا شفنا الجانب
الأول من هاد التأثير لي هو تكون عادات مزيانة وتكررها وداومها بدون انقطاع.
مع المدة تفاجئك و تبهرك النتائج.
أما الجانب الثاني وهو الجانب السلبي لي كيقول هاد التأثير يخدم ضدك عوض
يخدم لصالحك. في حياتنا اليومية عشرات العادات كتكون عندنا بلا ما انتبهو او
نشعر بها اللي تكررت منها مرة وجوج وعشرة كتولي جزء من سلوكنا. وبلا ما نشعر
واللي ما تكررت تتلاشى و تنسى. يعني هذا التأثير المركب او التأثير التراكمي
خدام عندنا بلا ما نعرفو او انتبهو ليه.
ايلا الا انتبهنا أو راقبنا عاداتنا او سلوكنا يعني شنو كنديرو في اليوم
كنخدم هذا التأثير لصالحنا اما الى مراقبنا عاداتنا وسلوكنا وشنو كنديرو
كيخدم راسو او كيجي النهار لي كتلقى الواحد يقول والله معرفت كي درت تبليت
بهادي او لا والله ما عرفت كي درت وصلت لهاد الحالة.
وهذا علاش حياتنا سنة رسول الله صلى الله عليه وسلم هل اننا يوميا وقبل ما
نعسو نحاسبوا نفوسنا ونراقب شنو دارت وشنو مر عليها فداك النهار باش عالأقل
نعرفو الحاجة الخايبة من الحاجة الزوينة اللي درنا باش فاش نكررها نعرفو
ونوعا و بلي را حنا كنقررو حاجة زوينة او حاجة خايبة التأثير التراكمي هو سحر
حقيقي لي يقدر يوصلك نتائج خيالية لكن طبعا تا حاجة ما ساهلة في الحياة فيها
كيحتاج الصبر والنفس الطويل باش يتبنى واللي تبنى على أساس متين صعيب يطيح
ويلا طاح راه ماطيحش بالزربة ياك ديما كتقولو قليل ومداوم خير من كثير ومقطوع
ايوا راه بان المعنى ودابا غي الا بغيتي تخليهم يكدبو عليك هادشي كيبني ماشي
كيهدم.